Google Webmaster Tools Meta Tag for site verification

19–22 ნომებერს საქართველოში ინტერნეტ მმართველობის რიგით მერვე ფორუმი – GeoIGF 2022 ჩატარდება

2022 წლის 19-22 ნოემბერს, საქართველოში ინტერნეტ მმართველობის რიგით მერვე ფორუმი – GeoIGF 2022 ჩატარდება. ღონისძიების ფარგლებში, პირველად საქართველოში, ინტერნეტმმართველობის ახალგაზრდული ფორუმიც გაიმართება. შეგახსენებთ, რომ ახალგაზრდული ფორუმი 2022 წლის სექტემბერში დაფუძნდა, აკადემიური სფეროს, საჯარო და კერძო უწყებების წარმომადგენლების მხრიდან. ფორუმის მიზანია ინტერნეტ-სფეროს, ინფორმაციული უსაფრთხოებისა და კომუნიკაციების საკითხებზე დიალოგისა და გადაწყვეტილებების მიღების პროცესში ჩართულობის ხელშეწყობა.

ღონისძიების კოორდინატორია მცირე და საშუალო სატელეკომუნიკაციო ოპერატორების ასოციაცია (TOA), ფორუმის მასპინძელია საქართველოს ეკონომიკისა და მდგრადი განვითარების სამინისტრო, საქართველოს კომუნიკაციების კომისია და ინტერნეტ საზოგადოება საქართველო(ISOC Georgia). ღონისძიების ინსტიტუციური მხარდამჭერია ევროპის საბჭოს ოფისი საქართველოში.
ფორუმის განმავლობაში, თემატური სესიების ფრგლებში, დაგეგმილია საქართველოს ინტერნეტ სივრცეში არსებული მთავარი გამოწვევებისა და სამომავლო პერსპექტივების განხილვა.
ფორუმის დღის წესრიგის ფორმირებისთვის უნდა მოხდეს საქართველოს ინტერნეტ სივრცასათვის აქტუალური საკთხების წარდგენა შემდეგი ფორმის (გთხოვთ, ეწვიოთ ბმულს) მეშვეობით.